National: LPG ਗਾਹਕਾਂ ਲਈ ਜ਼ਰੂਰੀ ਖ਼ਬਰ: e-KYC ਕਰਵਾਉਣ ਦੀ ਆਖ਼ਰੀ ਮਿਤੀ ਕੱਲ੍ਹ

ਨਵੀਂ ਦਿੱਲੀ, 22 ਅਗਸਤ : LPG ਗਾਹਕਾਂ ਲਈ e-KYC ਦੀ ਪ੍ਰਕਿਰਿਆ ਪੂਰੀ ਕਰਵਾਉਣ ਦੀ ਆਖ਼ਰੀ ਤਾਰੀਖ 23 ਅਗਸਤ 2026 ਹੈ। ਜਿਨ੍ਹਾਂ ਗਾਹਕਾਂ ਦਾ ਵੈਰੀਫਿਕੇਸ਼ਨ ਅਜੇ ਤੱਕ ਬਾਕੀ ਹੈ, ਉਨ੍ਹਾਂ ਕੋਲ ਹੁਣ ਬਹੁਤ ਘੱਟ ਸਮਾਂ ਬਚਿਆ ਹੈ। ਰਾਹਤ ਦੀ ਗੱਲ ਇਹ ਹੈ ਕਿ e-KYC ਲਈ ਗਾਹਕਾਂ ਨੂੰ ਨਾ ਤਾਂ ਲਾਈਨਾਂ ਵਿੱਚ ਖੜ੍ਹਾ ਹੋਣਾ ਪਵੇਗਾ ਅਤੇ ਨਾ ਹੀ LPG ਡਿਸਟ੍ਰੀਬਿਊਟਰ ਕੋਲ ਜਾਣ ਦੀ ਲੋੜ ਹੈ। ਇਹ ਪ੍ਰਕਿਰਿਆ ਸਮਾਰਟਫੋਨ ਰਾਹੀਂ ਘਰ ਬੈਠੇ ਵੀ ਪੂਰੀ ਕੀਤੀ ਜਾ ਸਕਦੀ ਹੈ।ਜਾਣੋ e-KYC ਲਈ ਕੀ-ਕੀ ਚਾਹੀਦਾ ਹੈ ?ਆਧਾਰ ਕਾਰਡ ਜਾਂ ਆਧਾਰ ਨੰਬਰLPG ਕਨੈਕਸ਼ਨ ਨਾਲ ਰਜਿਸਟਰਡ ਮੋਬਾਈਲ ਨੰਬਰLPG ਕੰਜਿਊਮਰ ਨੰਬਰ ਜਾਂ LPG IDਇੰਟਰਨੈੱਟ ਵਾਲਾ ਸਮਾਰਟਫੋਨਆਪਣੇ LPG ਪ੍ਰੋਵਾਈਡਰ ਦਾ ਅਧਿਕਾਰਤ ਐਪਫੇਸ਼ੀਅਲ ਆਥੈਂਟੀਕੇਸ਼ਨ ਲਈ Aadhaar FaceRD ਐਪIndane ਗਾਹਕ ਕਿਵੇਂ ਕਰਨ e-KYC?Indane ਗਾਹਕ IndianOil ONE ਐਪ ਰਾਹੀਂ e-KYC ਕਰ ਸਕਦੇ ਹਨ। ਰਜਿਸਟਰਡ ਮੋਬਾਈਲ ਨੰਬਰ ਨਾਲ ਲੌਗਇਨ ਕਰਨ ਤੋਂ ਬਾਅਦ My Profile ਵਿੱਚ ਜਾ ਕੇ Re-KYC ਦਾ ਵਿਕਲਪ ਚੁਣੋ। ਇਸ ਤੋਂ ਬਾਅਦ ਆਧਾਰ ਨੰਬਰ ਦਰਜ ਕਰਕੇ Aadhaar FaceRD ਐਪ ਰਾਹੀਂ ਫੇਸ਼ੀਅਲ ਵੈਰੀਫਿਕੇਸ਼ਨ ਪੂਰਾ ਕਰੋ ਅਤੇ ਰਿਕਵੈਸਟ ਸਬਮਿਟ ਕਰ ਦਿਓ।

Bharat Gas ਗਾਹਕਾਂ ਲਈ ਪ੍ਰਕਿਰਿਆ: Bharat Gas ਦੇ ਗਾਹਕ Hello BPCL ਐਪ ਦੀ ਵਰਤੋਂ ਕਰ ਸਕਦੇ ਹਨ। ਰਜਿਸਟਰਡ ਮੋਬਾਈਲ ਨੰਬਰ ਨਾਲ ਲੌਗਇਨ ਕਰਨ ਤੋਂ ਬਾਅਦ LPG ਸੈਕਸ਼ਨ ਵਿੱਚ ਜਾ ਕੇ ਆਪਣੀ LPG ID ਚੁਣੋ। ਫਿਰ e-KYC ਜਾਂ Aadhaar Authentication ਦਾ ਵਿਕਲਪ ਚੁਣ ਕੇ OTP ਅਤੇ FaceRD ਰਾਹੀਂ ਚਿਹਰੇ ਦਾ ਵੈਰੀਫਿਕੇਸ਼ਨ ਪੂਰਾ ਕਰੋ।HP Gas ਗਾਹਕ ਕਿਵੇਂ ਕਰਵਾਉਣ ਵੈਰੀਫਿਕੇਸ਼ਨ?:HP Gas ਗਾਹਕ HP Pay ਐਪ ਰਾਹੀਂ ਇਹ ਪ੍ਰਕਿਰਿਆ ਪੂਰੀ ਕਰ ਸਕਦੇ ਹਨ। ਮੋਬਾਈਲ ਨੰਬਰ ਨਾਲ ਸਾਈਨ-ਇਨ ਕਰਨ ਤੋਂ ਬਾਅਦ LPG/Gas Connection ਵਿਕਲਪ ਚੁਣੋ ਅਤੇ ਫਿਰ Aadhaar Authentication ‘ਤੇ ਕਲਿੱਕ ਕਰੋ। ਸਹਿਮਤੀ ਦੇਣ ਤੋਂ ਬਾਅਦ ਫੇਸ਼ੀਅਲ ਆਥੈਂਟੀਕੇਸ਼ਨ ਪੂਰਾ ਕਰੋ ਅਤੇ ਇਹ ਯਕੀਨੀ ਬਣਾਓ ਕਿ ਵੈਰੀਫਿਕੇਸ਼ਨ ਸਟੇਟਸ ਸਫਲਤਾਪੂਰਵਕ ਅਪਡੇਟ ਹੋ ਗਿਆ ਹੈ।ਦਿੱਤੀ ਜਾਣਕਾਰੀ ਮੁਤਾਬਕ, ਸਮੇਂ ਸਿਰ e-KYC ਨਾ ਕਰਵਾਉਣ ਵਾਲੇ ਗਾਹਕਾਂ ਦੀ ਸਰਕਾਰੀ LPG ਸਬਸਿਡੀ ਰੁਕ ਸਕਦੀ ਹੈ, ਜਿਸ ਵਿੱਚ ਉੱਜਵਲਾ ਯੋਜਨਾ ਤਹਿਤ ਮਿਲਣ ਵਾਲੀ 300 ਰੁਪਏ ਦੀ ਸਬਸਿਡੀ ਵੀ ਸ਼ਾਮਲ ਹੈ। LPG ਕਨੈਕਸ਼ਨ ਨੂੰ ਸਸਪੈਂਡ ਜਾਂ ਡੋਰਮੈਂਟ ਸ਼੍ਰੇਣੀ ਵਿੱਚ ਵੀ ਰੱਖਿਆ ਜਾ ਸਕਦਾ ਹੈ, ਜਿਸ ਕਾਰਨ ਐਪ, IVR ਜਾਂ WhatsApp ਰਾਹੀਂ ਗੈਸ ਬੁਕਿੰਗ ਵਿੱਚ ਦਿੱਕਤ ਆ ਸਕਦੀ ਹੈ। LPG ਗਾਹਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਆਖ਼ਰੀ ਤਾਰੀਖ ਤੋਂ ਪਹਿਲਾਂ ਆਪਣੀ e-KYC ਪ੍ਰਕਿਰਿਆ ਪੂਰੀ ਕਰ ਲੈਣ।