ਜਿਲ੍ਹਾ ਫਰੀਦਕੋਟ ਦੇ 309 ਆਂਗਣਵਾੜੀ ਵਰਕਰਾਂ ਦੀ ਪੋਸ਼ਣ ਤੇ ਪੜ੍ਹਾਈ ਤਹਿਤ ਟ੍ਰੇਨਿੰਗ ਕਰਵਾਈ ਗਈ।

ਜਿਲ੍ਹਾ ਫਰੀਦਕੋਟ ਦੇ 309 ਆਂਗਣਵਾੜੀ ਵਰਕਰਾਂ ਦੀ ਪੋਸ਼ਣ ਤੇ ਪੜ੍ਹਾਈ ਤਹਿਤ ਟ੍ਰੇਨਿੰਗ ਕਰਵਾਈ ਗਈ।

ਫਰੀਦਕੋਟ 20 ਜਨਵਰੀ -ਡਾਇਰੈਕਟਰ ਸਮਾਜਿਕ ਸੁਰੱਖਿਆ ਇਸਤਰੀ ਤੇ ਬਾਲ ਵਿਕਾਸ ਵਿਭਾਗ, ਪੰਜਾਬ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਸ੍ਰੀਮਤੀ ਰਤਨਦੀਪ ਸੰਧੂ, ਜਿਲ੍ਹਾ ਪ੍ਰੋਗਰਾਮ ਅਫਸਰ, ਫਰੀਦਕੋਟ ਦੀ ਯੋਗ ਅਗਵਾਈ ਹੇਠ ਜਿਲ੍ਹਾ ਫਰੀਦਕੋਟ ਦੇ ਬਲਾਕ ਕੋਟਕਪੂਰਾ-1 ਅਤੇ ਬਲਾਕ ਕੋਟਕਪੂਰਾ-2 ਦੇ 309 ਆਂਗਣਵਾੜੀ ਵਰਕਰਾਂ ਦੀ ਪੋਸ਼ਣ ਤੇ ਪੜ੍ਹਾਈ ਦੀ ਟ੍ਰੇਨਿੰਗ ਮੁਕੰਮਲ ਕਰਵਾਈ ਗਈ । ਇਸ ਸਬੰਧੀ ਰਤਨਦੀਪ ਸੰਧੂ ਨੇ ਹੋਰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਹ ਟ੍ਰੇਨਿੰਗ ਦਾ ਮੁੱਖ ਉਦੇਸ਼ ਆਂਗਣਵਾੜੀ ਸੈਟਰਾਂ ਵਿੱਚ 0-6 ਸਾਲ ਦੇ ਬੱਚਿਆਂ ਨੂੰ ਅਰਲੀ ਚਾਈਲਡ ਹੁਡ ਕੇਅਰ ਐਂਡ ਐਜੂਕੇਸ਼ਨ ਸਿੱਖਿਆ ਦੇਣ ਲਈ ਆਂਗਣਵਾੜੀ ਵਰਕਰਾਂ ਨੂੰ ਪਰਿਪੱਕ ਕਰਨਾ ਹੈ ਤਾਂ ਜੋ ਆਂਗਣਵਾੜੀ ਸੈਟਰਾਂ ਵਿੱਚ ਬੱਚਿਆਂ ਨੂੰ ਪੋਸ਼ਣ ਦੇ ਨਾਲ ਸਿੱਖਿਆ ਦੇ ਕੇ ਬੱਚਿਆਂ ਦਾ ਸਰਵਪੱਖੀ ਵਿਕਾਸ ਦੇ ਉਦੇਸ਼ ਪ੍ਰਾਪਤ ਕੀਤੇ ਜਾ ਸਕੇ ਅਤੇ ਸਕਸ਼ਮ ਆਂਗਣਵਾੜੀ ਸੈਟਰਾਂ ਨੂੰ ਲਰਨਿੰਗ ਸੈਟਰਾਂ ਵਜੋਂ ਵਿਕਸਿਤ ਕੀਤਾ ਜਾ ਸਕੇ । ਇਸ ਨੂੰ ਮੁੱਖ ਰੱਖਦੇ ਹੋਏ ਸਕਸ਼ਮ ਆਂਗਣਵਾੜੀ ਸੈਂਟਰ ਅਤੇ ਪੋਸ਼ਣ 2.0 ਤਹਿਤ ਆਂਗਣਵਾੜੀ ਵਰਕਰਾਂ ਦੇ ਹੁਨਰ ਨਿਖਾਰ ਜਿਵੇਂ ਕਿ ਬੱਚਿਆਂ ਦੀ ਚੰਗੀ ਸਿਹਤ , ਚੰਗੇ ਪੋਸ਼ਣ , ਬੱਚਿਆਂ ਦੀ ਸੁਰੱਖਿਆ , ਗੁਣਵਤਾ , ਸਰਵਪੱਖੀ ਵਿਕਾਸ ਅਤੇ ਦਿਵਿਆਂਗ ਬੱਚਿਆਂ ਦੇ ਵਿਕਾਸ ਨੂੰ ਮੁੱਖ ਧਾਰਾ ਵਿੱਚ ਸ਼ਾਮਿਲ ਕਰਨ ਸਬੰਧੀ ਟ੍ਰੇਨਿੰਗ ਦਿੱਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਜਿਲ੍ਹਾ ਫਰੀਦਕੋਟ ਵਿਖੇ ਇਹ ਟ੍ਰੇਨਿੰਗ 3 ਬੈਚ ਅਧੀਨ ਮੁੰਕਮਲ ਕਰਵਾਈ ਗਈ। ਪਹਿਲਾ ਬੈਚ ਜੋ ਕਿ ਮਿਤੀ 8 ਜਨਵਰੀ 2026 ਤੋ 10 ਜਨਵਰੀ 2026 ਤੱਕ ਪੂਰਾ ਕਰਵਾਇਆ ਗਿਆ ਜਿਸ ਅਧੀਨ 101 ਆਂਗਣਵਾੜੀ ਵਰਕਰਾਂ ਨੂੰ ਟ੍ਰੇਨਿੰਗ ਦਿੱਤੀ ਗਈ ਅਤੇ ਦੂਜਾ ਬੈਚ ਜੋ ਕਿ ਮਿਤੀ 12 ਜਨਵਰੀ 2026 ਤੋਂ 14 ਜਨਵਰੀ 2026 ਤੱਕ ਮੁਕੰਮਲ ਕਰਵਾਇਆ ਗਿਆ ਜਿਸ ਅਧੀਨ 102 ਆਂਗਣਵਾੜੀ ਵਰਕਰਾਂ ਦੀ ਟ੍ਰੇਨਿੰਗ ਮੁਕੰਮਲ ਕਰਵਾਈ ਗਈ ਅਤੇ ਤੀਜਾ ਬੈਚ ਜੋ ਕਿ ਮਿਤੀ 15 ਜਨਵਰੀ 2026 ਤੋਂ 17 ਜਨਵਰੀ 2026 ਤੱਕ ਮੁਕੰਮਲ ਕਰਵਾਇਆ ਗਿਆ ਜਿਸ ਅਧੀਨ 106 ਆਂਗਣਵਾੜੀ ਵਰਕਰਾਂ ਦੀ ਟ੍ਰੇਨਿੰਗ ਮੁਕੰਮਲ ਕਰਵਾਈ ਗਈ ਹੈ। ਇਸ ਮੌਕੇ ਸ੍ਰੀ ਕੁਲਦੀਪ ਸਿੰਘ ਜਿਲ੍ਹਾ ਕੋਆਰਡੀਨੇਟਰ, ਪੋਸ਼ਣ ਅਭਿਆਣ ਸ੍ਰੀ ਸੁਖਦੀਪ ਸਿੰਘ, ਬਲਾਕ ਕੋਆਰਡੀਨੇਟਰ, ਸ੍ਰੀਮਤੀ ਕਮਲਜੀਤ ਕੌਰ ਸੁਪਰਵਾਈਜਰ, ਸ੍ਰੀਮਤੀ ਰਾਜਪਾਲ ਕੌਰ ਸੁਪਰਵਾਈਜਰ , ਸ੍ਰੀਮਤੀ ਨਿਰਮਲ ਕੌਰ ਸੁਪਰਵਾਈਜਰ, ਮਿਸ ਅਰਮਾਨਪ੍ਰੀਤ ਕੌਰ ਸੁਪਰਵਾਈਜਰ ਕੋਟਕਪੂਰਾ-1, ਮਿਸ ਕਿਰਨਮੀਤ ਕੌਰ ਸੁਪਰਵਾਈਜਰ ਕੋਟਕਪੂਰਾ-1, ਸ੍ਰੀਮਤੀ ਕਰਮਜੀਤ ਕੌਰ, ਸੁਪਰਵਾਈਜਰ ਕੋਟਕਪੂਰਾ 1, ਸ਼੍ਰੀ ਸੁਖਮੰਦਰ ਸਿੰਘ ਚਾਈਲਡ ਪ੍ਰੋਟੈਕਸ਼ਨ ਅਫਸਰ (ਆਈ ਸੀ) ਫਰੀਦਕੋਟ, ਸ਼੍ਰੀ ਗੁਰਵਿੰਦਰ ਸਿੰਘ ਮੀਡੀਆ ਅਸਿਸਟੈਂਟ ਫਰੀਦਕੋਟ ਅਤੇ ਪ੍ਰਥਮ ਐਜੂਕੇਸ਼ਨ ਫਾਊਂਡੇਸ਼ਨ (ECCE) ਸਮੱਗਰੀ ਸ਼੍ਰੀ ਸੰਜੀਵ ਕੁਮਾਰ ਵੱਲੋਂ ਪੋਸ਼ਣ ਅਤੇ ਪੜ੍ਹਾਈ ਵੀ ਟ੍ਰੇਨਿੰਗ ਵਿੱਚ ਭਾਗ ਲਿਆ ਗਿਆ।